Arngunnur Ýr Gylfadóttir (f. 1962) býr og starfar bæði á Íslandi og í Bandaríkjunum. Hún lauk BA og meistaranámi í myndlist í Bandaríkjunum auk þess sem hún stundaði listnám í Hollandi og við Myndlistarskólann í Reykjavík.

Ásgerður Ester Búadóttir (1920-2014) var frumkvöðull í nútímavefnaði á Íslandi. Hún stundaði nám við Handíða- og myndlistaskólann í Reykjavík, Konunglegu listaakademíuna í Kaupmannahöfn en var sjálfmenntuð í vefnaði.  

Ásgrímur Jónsson (1876-1958) var fæddur í Gaulverjabæjarhreppi. Hann stundaði nám í Kaupmannahöfn á árunum 1897 til 1903 og fór einnig í námsferðir til Þýskalands og Ítalíu. Hann er einn af frumkvöðlum íslenskrar myndlistar og fyrsti íslenski málarinn til að gera myndlist að aðalstarfi sínu.

Barbara Árnason (1911-1975 ), áður Barbara Morey Williams, var  afburðanemandi við Royal Collage of Art í Lundúnum. Til Íslands kom hún fyrst árið 1936 og hitti þar verðandi eiginmann sinn Magnús Á. Árnason, listamann. Hún var landsþekktur listamaður og lagði m.a. grunninn að íslenskri þrykklist og telst meðal brautryðjenda á því sviði hér á landi. 

Björg Þorsteinsdóttir (1940-2019) stundaði m.a. myndlistarnám við Myndlista- og handíðaskóla Íslands, Akademie der bildenden Künste í Stuttgart, École Nationale Supérieure des Beaux Arts og við hið þekkta grafíkverkstæði Atelier 17 í París. Björg hélt yfir 30 einkasýningar og tók þátt í samsýningum á Íslandi og víða um heim.  

Brynhildur Þorgeirsdóttir (f. 1955) stundaði nám við Myndlista- og handíðaskóla Íslands, Gerrit Rietveld Academie í Hollandi og California College of Arts and Crafts, auk sérnáms í gleri við Orrefors í Svíþjóð og Pilchuck Glass School í Bandaríkjunum. Brynhildur hefur alla tíð unnið með steinsteypu og gler.  

Edda Jónsdóttir (f. 1942) starfaði við myndlist frá árunum 1975-1995 en stofnaði síðan i8 gallerí þar sem hún starfaði sem framkvæmdastjóri í um 20 ár áður en hún sneri sér aftur að eigin listsköpun. Hún nam við Myndlistaskóla Reykjavíkur, Myndlista- og handíðaskóla Íslands og Rijksakademie van Beeldende Kunsten í Amsterdam.  

Eggert Péturson (f. 1956) stundaði listnám við Myndlista- og handíðaskóla Íslands og fór síðan í framhaldsnám til Hollands. Hann er þekktastur fyrir ítarlegar blómamyndir sínar af íslenskri flóru.

Einar G. Baldvinsson (1919-2004) stundaði nám í myndlist við Myndlista- og handíðaskóla Íslands á árunum 1942 til 1945 og í Kaupmannahöfn 1946 og 1950. Hann fór einnig í námsferðir erlendis og kenndi teikningu víða í skólum.

Einar Jónsson (1863-1922) var fæddur á Fossi í Mýrdal. Hann lauk prófi í trésmíði árið 1891 og seinna lauk hann teikninámi í Kaupmannahöfn. Málverk Einars eru aðallega landslagsmyndir af Íslandi.

Einar Þorláksson (1933-2006) var fæddur í Reykjavík. Hann stundaði nám í  Hollandi, Kaupmannahöfn og Osló á árunum 1954 til 1958. Einar var abstraktmálari og verk hans einkennast oft af sterkum litum.

Eiríkur Smith (1925-2016) var fæddur í Hafnarfirði. Hann stundaði myndlistarnám við Málara- og teikniskóla Finns Jónssonar og Jóhanns Briem og seinna við Myndlista- og handíðaskóla Íslands. Hann stundaði einnig nám í Kaupmannahöfn og París.

Guðmundur Guðmundsson, Erró (f. 1932), er fæddur í Ólafsvík en býr og starfar í París. Hann stundaði nám við Myndlista- og handíðaskóla Íslands á árunum 1949 til 1952 og eftir námið á Íslandi fór hann í listnám til Oslóar og Flórens og seinna til Ravenna á Ítalíu þar sem hann lagði áherslu á mósaík.

Eyjólfur J. Eyfells (1886-1979) var fæddur í Rangárvallasýslu. Hann lærði teikningu í teikniskóla Stefáns Eiríkssonar á árunum 1909 til 1912 og fór í námsferðir til Kaupmannahafnar og Dresden. Hann var einnig eitt ár í listmálaranámi í Dresden árið 1923.  

Georg Guðni Hauksson (1961-2011) var fæddur í Reykjavík. Hann stundaði nám við Myndlista- og handíðaskóla Íslands og fór í framhaldsnám til Hollands. Hann er þekktur fyrir minimalískar landslagsmyndir sínar sem fanga kjarnann í íslenskri náttúru.

Gerður Helgadóttir (1928-1975) var fjölhæfur myndlistarmaður sem fékkst við skúlptúr, steint gler og mósaík. Hún stundaði nám við Myndlista- og handíðaskóla Íslands og einnig í Flórens og París, en þar bjó hún og starfaði meirihluta ævi sinnar.  

Gísli Jónson (1878-1944) var fæddur í Grímsnesi. Hann var að mestu leyti sjálfmenntaður myndlistarmaður en fékk tilsögn í einn vetur frá myndlistarmanninum Einari Jónssyni frá Fossi. Gísli málaði landslagsmyndir og á seinni hluta ævi sinnar málaði hann leikmyndir fyrir Leikfélag Hafnarfjarðar.

Guðbjörg Lind Jónsdóttir (f. 1961) útskrifaðist frá málaradeild Myndlista- og handíðaskóla Íslands 1985 og er einnig með kennsluréttindi frá sama skóla. Viðfangsefni hennar hafa löngum tengst vatni, fossum og sjávarfletinum. 

Guðmunda Andrésdóttir (1922-2002) var fædd í Reykjavík. Hún stundaði myndlistarnám í Stokkhólmi og hélt síðar í áframhaldandi nám til Parísar. Hún var abstraktmálari og verk hennar einkennast m.a. af sterkum litum.

Guðrún Einarsdóttir (f. 1957) stundaði nám í málaradeild og fjöltæknideild Myndlista- og handíðaskóla Íslands, ásamt námskeiðum í efnafræði síðar á ferlinum. Verk Guðrúnar mætti kalla náttúrumálverk, en þau eru í grundvallaratriðum byggð á tilraunum hennar með olíumálningu, bindi- og leysiefni. 

Gunnlaugur Óskar Scheving (1904-1972) var fæddur í Reykjavík. Hann stundaði nám við teikniskóla Guðmundar Thorsteinssonar (Muggs) og hjá Einari Jónssyni myndhöggvara. Hann hélt síðan út til Kaupmannahafnar í myndlistarnám.

Hafsteinn Austmann (f. 1934) er fæddur á Ljótsstöðum í Vopnafirði. Hann stundaði nám við Myndlistaskólann í Reykjavík og Myndlista- og handíðaskóla Íslands áður en hann hélt út til Parísar þar sem hann stundaði listnám. Hann er abstraktmálari og eru verk hans aðallega vatnslitamyndir eða olíumálverk.

Helgi Þorgils Friðjónsson (f. 1953) er fæddur í Búðardal. Hann stundaði nám við Myndlista- og handíðaskóla Íslands og fór síðar út í framhaldsnám til Hollands. Helgi hefur unnið með málverk, teikningar, skúlptúra og grafík.

Hlaðgerður Íris Björnsdóttir (f. 1973) er fædd í Reykjavík. Hún stundaði nám við myndlistardeild Fjölbrautaskólans í Breiðholti og við myndlistardeild Listaháskóla Íslands. Hún fór einnig í listnám til Rómar og Helsinki.

Hörður Ágústsson (1922-2005) var fæddur í Reykjavík. Hann stundaði nám við Handíðaskólann á árunum 1941-43 og var í einkatímum hjá Gunnlaugi Scheving. Hann hélt síðar til Kaupmannahafnar og Parísar þar sem hann stundaði listnám. 

Húbert Nói Jóhannesson (f. 1961) er fæddur í Hafnarfirði. Hann útskrifaðist frá nýlistadeild Myndlista- og handíðaskóla Íslands árið 1987. Áður hafði hann lært raunvísindi og stundaði jarðfræðirannsóknir við raunvísindadeild Háskóla Íslands til 1983.

Hulda Vilhjálmsdóttir (f. 1971) hefur verið tilnefnd til ýmissa verðlauna og árið 2020 hlaut hún Tilberann, myndlistarverðlaun fyrir störf sín að myndlist í tvo áratugi. Hún er með BA-gráðu frá Listaháskóla Íslands og hefur einnig lokið diplómanámi í leirmótun og keramik við Myndlistaskólann í Reykjavík.  

Iain Sharpe (f. 1974) er fæddur í Bretlandi og býr og starfar í Glasgow. Hann stundaði listnám í Englandi og Skotlandi og fór í námsferðir til Ítalíu, Hong Kong og Íslands. Sharpe hefur kennt og haldið fyrirlestra í listaháskólum víða um Bretland. Hann vinnur með penna og blýant á blaði.

Jóhann Briem (1907-1991) var fæddur á Stóra-Núpi í Árnessýslu. Hann stundaði listnám hjá Jóni Jónssyni og einnig hjá Eyjólfi Eyfells og Ríkarði Jónssyni. Síðar fór hann í listnám til Dresden í Þýskalandi. Jóhann stofnaði og rak Málara- og teikniskóla Finns Jónssonar og Jóhanns Briem.

Jóhanna Kristín Ingvadóttir (1953-1991) vakti strax mikla athygli fyrir verk sín en listferill hennar var stuttur því hún lést aðeins 37 ára gömul árið 1991. Jóhanna útskrifaðist frá Myndlista- og handíðaskóla Íslands árið 1976 og fór síðar í framhaldsnám til Hollands.  

Jóhannes Jóhannesson (1921-1998) var fæddur í Reykjavík. Hann lauk sveinsprófi í gull- og silfursmíði frá Iðnskólanum í Reykjavík og stundaði síðar myndlistarnám í Bandaríkjunum, Ítalíu og Frakklandi. Jóhannes starfaði bæði sem listmálari og gullsmiður.

Jón Stefánsson (1881-1962) var fæddur á Sauðárkróki. Hann stundaði verkfræðinám og síðar myndlistarnám í Kaupmannahöfn. Eftir það hélt hann til Parísar þar sem hann stundaði myndlistarnám við einkaskóla Henri Matisse.

Júlíana Sveinsdóttir (1889-1966) var ein fyrsta íslenska myndlistakonan. Hún nam myndlist á Íslandi og lauk námi í málaradeild Konunglega dönsku listaakademíunnar í Kaupmannahöfn árið 1917. Hún var þekktur listmálari og textíllistakona á Íslandi og í Danmörku, hélt fjölmargar sýningar og átti sæti í stjórn listastofnana. 

Karen Agnete Þórarinsson (1903-1992) var dönsk-íslensk myndlistarkona sem er þekkt fyrir expressjónískar mannamyndir, kyrralífsmyndir og skógarmyndir. Hún stundaði listnám í Danmörku, m.a. í Konunglegu listaakademíunni, en fluttist til Íslands árið 1929. Hún sýndi verk sín víða um land og var vel þekkt sem listmálari. 

Karl Kvaran (1924-1989) var fæddur á Borðeyri við Hrútafjörð. Hann stundaði listnám við Myndlista- og handíðaskóla Íslands og fór síðan í áframhaldandi nám til Kaupmannahafnar. Karl var einn af fremstu abstraktmálurum á Íslandi og þekktur fyrir geometrísk og minimalísk málverk.

Karólína Lárusdóttir (1944-2019) nam myndlist á Íslandi og á Englandi, annars vegar í Sir John Cass College og hins vegar í Ruskin School of Fine Art í Oxford. Karólína bjó og starfaði í Bretlandi um árabil en myndheimur hennar var íslenskur, ekki síst sóttur úr æskuminningum hennar m.a. af mannlífinu á Hótel Borg og af farþegum og starfsfólki um borð í MS Gullfossi. 

Kjartan Guðjónsson (1921-2010) var fæddur í Reykjavík. Hann stundaði nám við Handíðaskólann í Reykjavík en hélt síðar út í áframhaldandi listnám til Chicago og Flórens. Kjartan kenndi við Myndlista- og handíðaskóla Íslands í fjölda ára.

Jóhannes Sveinsson Kjarval (1885-1972) var fæddur á Efri-Ey í Meðallandi í Vestur-Skaftafellssýslu. Hann lauk listnámi í Kaupmannahöfn og fór í námsferðir til London, Frakklands, Rómar og Flórens.

Kolbrún Björgólfsdóttir eða Kogga (f. 1952) sérhæfir sig í keramik. Hún lærði bæði á Íslandi, í Danmörk og í Bandaríkjunum. Hún hefur haldið margar einkasýningar á Íslandi og tekið þátt í samsýningum meðal annars í Danmörku, Svíþjóð, Færeyjum og Íslandi.  

Kolbrún S. Kjarval (f. 1945) nam myndlist í Danmörku og Bretlandi. Hún vinnur aðallega í leir hvort sem það er steinleir, rauðleir, jarðleir eða postulín, en gerir einnig teikningar og málar með vatnslitum. Leirfuglarnir eru orðnir nokkurs konar einkennismerki Kolbrúnar en fuglaþemað teygir anga sína í flestar hliðar listsköpunar hennar.  

Kristín Jónsdóttir (1888-1959) var fyrsta íslenska konan sem lagði fyrir sig myndlistarnám, m.a. við Konunglegu listaakademíuna í Kaupmannahöfn, þaðan sem hún lauk prófi árið 1916. Hún málaði landslagsmyndir en var einnig þekkt fyrir fyrir blóma- og kyrralífsmyndir og málaði myndir af konum við dagleg störf.  

Kristján Davíðsson (1917-2013) var fæddur í Reykjavík. Hann stundaði nám við Málara- og teikniskóla Finns Jónssonar og Jóhanns Briem og fór síðan í listnám til Bandaríkjanna, Parísar og London. Kristján var abstraktmálari sem sótti innblástur í íslenska náttúru.

Hér að neðan er listi yfir höfunda listaverka í Reykjastræti 6 og konur sem eiga verk sem féllu undir listfræðilegt mat menntamálaráðuneytisins árið 2009.

Medium

Louisa Matthíasdóttir (1917-2000) var fædd í Reykjavík. Hún stundaði listnám í Kaupmannahöfn, París og New York á árunum 1934 til 1944. Að námi loknu bjó hún og starfaði í Bandaríkjunum. Louisa er þekkt fyrir litríkar landslags- og kyrralífsmyndir sínar.

Magnús Kjartansson (1949-2006) var fæddur í Reykjavík. Hann stundaði nám við Myndlista- og handíðaskóla Íslands og fór síðan út í framhaldsnám til Kaupmannahafnar. Magnús starfaði sem myndlistarmaður en var einnig myndlistarkennari og prófdómari við Myndlista- og handíðaskólann.

Margrét Þ. Jóelsdóttir (f. 1944) nam myndlist á Íslandi og í Bretlandi og þar hóf hún, ásamt eiginmanni sínum Stephen Fairbairn, tilraunir með liti, ljós og sjónertingu. Þau Margrét og Steve eru meðal fárra listamanna hér á landi sem fengist hafa við sjónhverfilist. Margrét hefur einnig gefið út ljóð og smásögur. 

Guðmundur Thorsteinsson, Muggur (1891-1924), var fæddur á Bíldudal. Hann stundaði listnám í Kaupmannahöfn og fór víða í námsferðir, m.a til Þýskalands, Bandaríkjanna og Ítalíu. Hann var fjölhæfur listamaður, stofnaði teikniskóla í Reykjavík og var einnig rithöfundur og leikari.

Nína Sæmundsson (1892-1965) var þekktasti myndlistamaður Íslands á fjórða áratug 20. aldar og hún var fyrsta íslenska konan sem gerði höggmyndalist að ævistarfi. Nína nam og starfaði í Kaupmannahöfn, Róm, París og New York en hún bjó lengst af í Bandaríkjunum.  

Nína Tryggvadóttir (1913-1968) var fædd á Seyðisfirði. Hún stundaði myndlistarnám við Málara- og teikniskóla Finns Jónssonar og Jóhanns Briem og seinna fór hún í myndlistarnám til Kaupmannahafnar og New York. Nína var abstraktmálari og þekkt fyrir litríkar myndir sínar.

Óli G. Jóhannsson (1945-2011) var fæddur á Akureyri. Hann varð stúdent frá Menntaskólanum á Akureyri og starfaði við fjölbreytt störf eftir námið. Óli vann m.a. sem kennari, blaðamaður og sjómaður en hann vann við myndlistina meðfram þeim störfum. 

Pétur Már Pétursson (f. 1955) er fæddur á Ísafirði. Hann byrjaði mjög ungur að mála og er sjálfmenntaður myndlistarmaður. Verk hans eru að mestu leyti abstrakt málverk.

Ragnheiður Jónsdóttir (f. 1933) er frumkvöðull í íslenskri grafíklist og hefur verið lýst sem brautryðjanda hins myndræna femínisma. Ragnheiður stundaði myndlistarnám á Íslandi og í París, en þangað hélt hún til náms 37 ára gömul. Hún hefur markað djúp spor í íslenska listasögu, verið verðlaunuð og sýnt verk sín víða.  

Ragnheiður Jónsdóttir Ream (1917-1977) var komin hátt á fertugsaldur þegar hún hóf myndlistarnám við The American University í Washington DC árið 1954 en auk þess fór hún í námsferð til Ítalíu. Hún náði á undraskömmum tíma fullum þroska í myndlistinni og þóttu verk hennar túlka náttúru Íslands á nýjan og ferskan hátt.  

Jón B. K. Ransu (f. 1967) er fæddur í Reykjavík. Hann stundaði myndlistarnám í Hollandi og fór í námsferðir til Dublinar og New York. Ransu er einnig menntaður í kennslufræðum og var stundakennari við í Listaháskóla Íslands á árunum 2002 til 2016.

Richard Serra (1938-2024) var fæddur í Bandaríkjunum. Hann lauk BA-námi í enskum bókmenntum í Kaliforníu. Hann stundaði síðan nám við Yale-háskólann og útskrifaðist þaðan með BA í listasögu og meistaragráðu í myndlist. Serra á meðal annars verk í Viðey.

Ragnhildur Óskarsdóttir, Róska (1940-1996), var fædd í Reykjavík. Hún stundaði listnám í Tékklandi og á Ítalíu og fór seinna í nám í kvikmyndagerð á Ítalíu. Róska bjó og starfaði í um þrjátíu ár í Róm.

Sigríður Ágústsdóttir – Systa (f. 1953) stundaði myndlistarnám í Reykjavík og síðar við Edinburgh College of Art, hefur haldið á annan tug einkasýninga og tekið þátt í fjölda samsýninga hér heima og erlendis. Hún er þekkt fyrir steind glerlistaverk og er eitt verka hennar í kapellu sjúkrahússins á Ísafirði. 

Sigrún Guðjónsdóttir – Rúna (f. 1926) er brautryðjandi á sviði leirlistar hér á landi. Í listsköpun sinni hefur hún verið óhrædd við að prófa sig áfram með leirblöndur og glerunga og öll framleiðsla var að mestu úr íslenskum leir. Hún rak Laugarnesleir með eiginmanni sínum og átti farsælt samstarf við ýmsa aðila á borð við Bing & Gröndal og Villeroy & Boch, m.a. við gerð nytjagripa og myndskreyttra flísa.  

Sigtryggur Bjarni Baldvinsson (f. 1966) er fæddur á Akureyri. Hann stundaði nám við Myndlistaskólann á Akureyri og við Myndlista- og handíðaskóla Íslands og fór síðan til Frakklands og lauk þar framhaldsnámi. Sigtryggur hefur í málverkum, ljósmyndum og vatnslitamyndum gert afmörkuðum náttúrufyrirbrigðum skil.

Sigurður Árni Sigurðsson (f. 1963) er fæddur á Akureyri. Hann stundaði nám við Myndlistaskólann á Akureyri og við Myndlista- og handíðaskóla Íslands og hélt síðan út í framhaldsnám til Frakklands. Verkið Samhengi er forsíðuverk listaverkavefs Landsbankans.

Sigurður Örlygsson (1946-2019) var fæddur í Reykjavík. Hann stundaði nám við Myndlista-og handíðaskóla Íslands og hélt síðan út í framhaldsnám í myndlist til Kaupmannahafnar og New York. 

Sigurður Sigurðsson (1916-1996) var fæddur á Ísafirði. Hann stundaði listnám í Kaupmannahöfn á árunum 1939 til 1945. Þegar Sigurður kom aftur heim til Íslands var hann kennari og síðar yfirkennari við Myndlista- og handíðaskóla Íslands á árunum 1948 til 1980.

Snorri Arinbjarnarson (1901-1958) var fæddur í Reykjavík. Hann stundaði listnám í Kaupmannahöfn og Osló á árunum 1923 til 1931. Verk Snorra einkennast af hversdagslegum viðfangsefnum.

Steinunn Marteinsdóttir (f. 1936) er þekkt fyrir leirlist sína en hefur í seinni tíð í vaxandi mæli lagt stund á málun. Hún hlaut myndlistamenntun sína í Myndlista- og handíðaskóla Íslands og síðan við Hochschule für Bildende Künste í Berlín. Steinunn stofnaði eigið keramikverkstæði í Reykjavík árið 1962 en flutti 1969 að Hulduhólum í Mosfellsbæ og hefur starfað þar síðan. 

Svala Þórisdóttir Salman (1945-1998) nam myndlist við Handíða- og myndlistaskólann í Reykjavík og síðar við University of Oxford, Ruskin School of Art, en þaðan lauk hún prófi árið 1968. Hún bjó og starfaði lengst af í Washington-borg í Bandaríkjunum. Það verk hennar sem víðast hefur birst er líklega portrett af Bjarna Benediktssyni sem hún málaði  fyrir borgarstjórn Reykjavíkur og hangir í Höfða. 

Svavar Guðnason (1909-1988) var fæddur á Höfn í Hornafirði. Hann stundaði listnám í Kaupmannahöfn og fór í námsferðir til Parísar og Ítalíu. Svavar var abstraktmálari og þekktur fyrir kraftmikil og litrík málverk.

Þórarinn B. Þorláksson (1867-1924) var fæddur í Vatnsdal. Hann lauk sveinsprófi í bókbandi í Reykjavík og hélt síðan út til Kaupmannahafnar þar sem hann stundaði listnám á árunum 1895 til 1902. Þegar Þórarinn kom aftur heim til Íslands vann hann sem listmálari auk þess sem hann kenndi við Iðnskólann, Menntaskólann og Kennaraskólann í Reykjavík. 

Þorbjörg Höskuldsdóttir (f. 1939) á að baki langan og farsælan feril í myndlist auk þess sem hún hefur lagt gjörva hönd á leirkerasmíði og leikmyndagerð. Hún stundaði nám í Myndlistaskólanum í Reykjavík og í Konunglegu listaakademíunni í Kaupmannahöfn. 

Þorvaldur Skúlason (1906-1984) var fæddur á Borðeyri við Hrútafjörð. Hann stundaði listnám hjá Ásgrími Jónssyni og Jóni Stefánssyni í Reykjavík og fór síðan í áframhaldandi nám til Oslóar og Parísar. Þorvaldur bjó og starfaði í Kaupmannahöfn, Ítalíu og Frakklandi á árunum 1933 til 1940 og flutti þá aftur heim til Íslands.

Þegar Tove Ólafsson (1909-1992) flutti til Íslands árið 1945 hafði hún nýlega hlotið inngöngu í sýningarhópinn Kammeraterne, fyrst kvenna og myndhöggvara í Danmörku. Tove, sem var menntuð í Konunglegu listaakademíuna í Kaupmannahöfn, vann verk sín einkum í stein, leir og tré og gat sér góðan orðstír sem listamaður, bæði hér á landi og í Danmörku. 

Tryggvi Ólafsson (1940-2019) var fæddur í Neskaupstað. Hann stundaði nám við Myndlista- og handíðaskóla Íslands og fór síðan í listnám til Kaupmannahafnar þar sem hann bjó og starfaði sem myndlistarmaður í fjölda ára.

Valgerður Hauksdóttir (f. 1955) er myndlistarmaður og grafíklistamaður og hefur sýnt verk sín víða bæði hér heima og erlendis. Valgerður hefur m.a. lokið meistaragráðu frá University of Illinois og er með MFA-gráðu frá University of New Mexico.  

Valtýr Pétursson (1919-1988) var fæddur í Grenivík við Eyjafjörð. Hann stundaði listnám í Reykjavík, Boston, Flórens og París, þar sem hann stundaði einnig nám í mósaíktækni. Valtýr starfaði bæði sem listmálari og myndlistagagnrýnandi.

Listamenn

Listakonur í Landsbankanum

Arngunnur Ýr Gylfadóttir

Listaverkin í Landsbankanum

Listaverkavefurinn

Kristín Jónsdóttir

Róska

Jóhanna Kristín Ingvadóttir

Allar

Valgerður Hauksdóttir  

Nína Tryggvadóttir

Svala Þórisdóttir Salman 

Júlíana Sveinsdóttir  

Guðmunda Andrésdóttir

Kolbrún S. Kjarval

Brynhildur Þorgeirsdóttir  

Sigrún Guðjónsdóttir – Rúna 

Steinunn Marteinsdóttir 

Ásgerður Búadóttir

Þorbjörg Höskuldsdóttir  

Tove Ólafsson  

Ragnheiður Jónsdóttir Ream  

Barbara Árnason

Gerður Helgadóttir  

Hulda Vilhjálmsdóttir

Guðbjörg Lind Jónsdóttir  

Edda Jónsdóttir  

Guðrún Einarsdóttir 

Sigríður Ágústsdóttir – Systa 

Hlaðgerður Íris Björnsdóttir

Ragnheiður Jónsdóttir 

Nína Sæmundsson

Björg Þorsteinsdóttir  

Kogga

Margrét Þ. Jóelsdóttir 

Karen Agnete Þórarinsson

Safneign Reykjastræti 6

Greinar

Listaverkasafn Landsbankans

Gunnlaugur Scheving

Fyrirvari

Kjartan Guðjónsson

Kristján Davíðsson

Hörður Ágústsson

Jón Stefánsson

Muggur

Sigurður Sigurðsson

Sigurður Örlygsson

Valtýr Pétursson

Sigtryggur B. Baldvinsson

Georg Guðni

Pétur Már Pétursson

Louisa Matthíasdóttir 

Karl Kvaran

Ásgrímur Jónsson

Óli G. Jóhannsson

Gísli Jónsson

Eyjólfur Eyfells

RANSU

Einar Þorláksson

Jóhannes Jóhannesson

Karólína Lárusdóttir

Svavar Guðnason

Þorvaldur Skúlason

Þórarinn B. Þorláksson

Einar Jónsson

Húbert Nói

Snorri Arinbjarnar

Sigurður Árni Sigurðsson

Tryggvi Ólafsson

Erró

Eggert Pétursson

Helgi Þorgils Friðjónsson

Eiríkur Smith

Magnús Kjartansson 

Einar G. Baldvinsson

Jóhann Briem

Richard Serra

Iain Sharpe

Hafsteinn Austmann

Jóhannes S. Kjarval

Landsbankinn á mikinn fjölda listaverka sem mörg teljast vera lykilverk í íslenskri myndlistasögu og brot af því besta sem íslensk myndlist hefur upp á að bjóða. Hér er sjónum beint að þeim verkum sem eru í húsakynnum bankans í Reykjastræti 6.

Listaverkasafnið varð til á löngum tíma enda byggir bankinn á gömlum grunni Landsbanka Íslands sem tók til starfa árið 1886. Þá bættust við listaverk í safnið þegar Samvinnubanki Íslands rann inn í Landsbankann árið 1991 og einnig hafa sparisjóðir sameinast bankanum.

Tilgangurinn með þessum vef er að gera sem flestum kleift að skoða og njóta listaverkasafns bankans. Vefurinn opnaði á Menningarnótt 2024 og var sjónum þá beint að þeim verkum sem eru í Reykjastræti 6. Á Menningarnótt 2025 bættist við umfjöllun um verk í eigu bankans sem eru eftir konur í tilefni Kvennaársins.

Listaverkin sem fjallað er um á listaverkavefnum sem og ljósmyndir af þeim sem birtar eru á vefnum njóta höfundarréttar samkvæmt lögum. Efni á listaverkavefnum er birt með fyrirvara um villur. Komi í ljós innsláttarvillur, misfellur eða önnur mistök áskilur Landsbankinn sér rétt til að leiðrétta og uppfæra vefinn til samræmis við þær leiðréttingar hverju sinni.

Landsbankinn hf.
Reykjastræti 6, 101 Reykjavík
Kt. 471008-0280
Sími: 410 4000
landsbankinn@landsbankinn.is

Vefkökur

Listamenn