Á heimsvísu hefur athygli í vaxandi mæli beinst að listaverkum eftir konur á undanförnum áratugum. Á þetta við um verk núlifandi kvenna sem og verk þeirra sem ruddu brautina. Í safneign Landsbankans eru fjölmörg listaverk sem teljast til þjóðargersema og þar af eru mörg eftir konur. 

Landsbankinn á mikinn fjölda listaverka sem spanna alla sögu íslenskrar myndlistar og eru fjölbreytt hvað varðar stíl, stærð og efni.

Á vef Landsbankans eru einnig greinar um þrjár myndlistarsýningar í bankanum. Árið 2020 voru 24 Kjarvalsverk í eigu bankans sýnd í Austurstræti 11. Árið 2021 opnaði sýning á íslenskum abstraktverkum úr listasafni bankans og árið 2023 opnaði sýning þar sem veitt var innsýn í fjölbreytileika og breidd listasafnsins.