Vefkökur
Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.
Nánar um vefkökur
Listaverkin í Landsbankanum
Landsbankinn á mikinn fjölda listaverka sem mörg teljast til lykilverka í íslenskri myndlistarsögu og eru brot af því besta sem íslensk myndlist hefur upp á að bjóða. Bankinn á gott safn verka eftir frumkvöðla í íslenskri myndlist en einnig mikið af verkum eftir helstu abstraktmálara þjóðarinnar. Auk þess að eiga gott safn myndlistarverka á bankinn fjölda höggmynda í safni sínu.
Á þessum vef eru verk sem eru eða hafa verið í Reykjastræti 6 og öll verk eftir konur sem féllu undir listfræðilegt mat menntamálaráðuneytisins árið 2009.
Listaverk á vefnum
Listamenn á vefnum
Listaverk í Reykjastræti
Í safneign Landsbankans eru fjölmörg listaverk sem teljast til þjóðargersema og þar af eru mörg eftir konur, sem allar hafa markað spor í íslenska listasögu, hver með sínum hætti.
Verkin sem prýða veggi bankans í Reykjastræti spanna alla sögu íslenskrar myndlistar og eru fjölbreytt hvað varðar stíl, stærð og efni.
Landsbankinn á gott safn verka eftir frumkvöðla í íslenskri myndlist en einnig mikið af verkum eftir helstu abstraktmálara þjóðarinnar. Á þessum vef er sjónum beint að höfundum verkanna í Reykjastræti og verk eftir konur sem féllu undir listfræðilegt mat menntamálaráðuneytisins árið 2009.
Á heimsvísu, hefur á undanförnum áratugum, athygli í vaxandi mæli beinst að listaverkum eftir konur. Á þetta við um verk núlifandi kvenna sem og verk þeirra sem ruddu brautina í fortíðinni.
Landsbankinn á mikinn fjölda listaverka sem spanna alla sögu íslenskrar myndlistar og eru fjölbreytt hvað varðar stíl, stærð og efni.
Á vef Landsbankans eru einnig greinar um þrjár myndlistarsýningar í bankanum. Árið 2020 voru 24 Kjarvalsverk í eigu bankans sýnd í Austurstræti 11.
Listaverkasafnið varð til á löngum tíma enda byggir bankinn á gömlum grunni Landsbanka Íslands sem tók til starfa árið 1886.
Tilgangurinn með þessum listaverkavef er að gera sem flestum kleift að skoða og njóta listaverkasafnsins.